Come, let's do something for Bhojpuri...

संवरिया

बहा त पिरितिया के, फिर से बयार हो,

आइले हैं जबसे, संवरिया हमार हो,

नाही चाही चूड़ी हमके, नहीं चाही कंगना,

तुही बाटा बिछुआ, पायल, तुही त श्रंगार हो।.

जबसे तू गईला हमके, छोड़ी के विदेशवा,

सूना पड़ल साजन, अंगना दुआर हो।.

केकरा से हाल कहती, केसे दिल के बतिया,

भावे नाही गाँव, टोला, नाही संसार हो।.

दुल्हिन बना के हमके, कहिया ले जईबा,

आइहैं लेके डोली, कहिया कहार हो।.

13 members like this

Comment by नबीन भोजपुरिया ( NB ) on October 29, 2012 at 8:36am: अनिता जी प्रनाम आ जय भोजपुरी

बहुत सुनर आ बडा नीमन से एह रचना के अपना मन के भाव से रचले बानी ।

बेजोड ।

जय भोजपुरी

Comment by sanjay panday on October 29, 2012 at 11:14am: anita ji jai bhojpuri aa parnam |

bahut sunnar rachana sringar ras se bharpur \

bahut bahut dhanyavad aur bhejat rahi |

jai bhojpuri |

Comment by sanjay kumar singh on October 29, 2012 at 11:19am: अनिता जी प्रणाम ,

गजब के भाव आ शब्दन के बेहतरिन संयोजन...एगो जबरदस्त गीत.....

जय भोजपुरी

Comment by Shyam Narain Verma on October 29, 2012 at 12:10pm: अनिता जी प्रणाम ,
बहुत सुनर ,शब्दन के बेहतरिन संयोजन...एगो जबरदस्त गीत.....

जय भोजपुरी

Comment by RUDRA PRATAP SINGH RAGHUVANSHI on October 29, 2012 at 1:25pm: मनवा के भाव अउरु कईल तहार छाव मिलन के सब परिभाषा बतावता /

खनकत कंगनवा आ बिहसल अंगनवा नेहिया में भईल तमाशा बतावता /

कहबो न करबू तबो सब जानी जाई , आँखी तहार दिलवा के दाषा बतावता /

Comment by Brij Kishor Tiwari on October 29, 2012 at 5:59pm: .
बहुत आशीर्वाद ,साधुवाद आ धन्यवाद
एगो तुकबंदी जोड़ के ..........

सबका खातिर लागू बा, ई कुल बतिया तहार हो
चाहे होखस बालम सावर, चाहे ....गोर-नार हो

वाह... लाजवाब रचना .....

Comment by Anita Maurya on October 31, 2012 at 11:29am: बहुत बहुत धन्यवाद, नवीन जी, संजय जी, नारायण जी, रूद्र जी अऊर ब्रिज भईया .. इतना दिन से गायब रहले खातिर माफ़ी चाहा तानी।. लेकिन अब अईसन न होई, इ त हमार घर बा।. कहियो न छूटी ...

ब्रिज भैया, तोहार तुकबंदी त हमरे गीत से भी चार कदम आगे बा। बहुत सुन्दर।

Comment by Umesh Gautam on October 31, 2012 at 8:03pm: पहिले त रउरा के प्रणाम बा । बहुते नीमन लिखले बानी । बिरह वेदना के नीमन वर्णन कइले बानी । हमेशा बाकी सक्रिय रही । जय भोजपुरी ।