रकम बिना जरे लागल जिया ,पईसा कब भेजब पिया ।

तेल बिना नइखे जरत दिया , पईसा कब भेजब पिया ।
रकम बिना जरे लागल जिया ,पईसा कब भेजब पिया ।
चार महिना से उधार ना दियाला ।
होते बिहाने साहूकार आ चिल्लाला ।
राशन खातिर बात बिगड़ी जाला ।
डाकमुंशी से पुछीं गुस्सा में बढ़ि जाला ।
गोली नियर बोली से, जरे लागल जिया ।
पईसा कब भेजब पिया ।
रोज पीयल तोहरा से ना छोड़ाला ।
चाहे चले लाठी चाहे चले भाला ।
गँउवा के लोगवा केतना खिसियाला ।
गइल विदेश लेकिन असर ना बुझाला ।
वर्मा घर कइसे चली , अब तड़पे लागल हिया ।
रकम बिना जरे लागल जिया ,पईसा कब भेजब पिया ।
श्याम नारायण वर्मा