Come, let's do something for Bhojpuri...
गारी के इतिहास बर्तमान आ भुतकाल
प्रनाम आ जय भोजपुरी
गारी - प्राचीन काल से चलल आ रहल एगो अईसन परम्परा ह जवना के लोग हिसाब से जगहि देखि के मोका प प्रयोग करेला ।
गारी प्राचीन काल से बिआ आ आगे जब ले सुरज आ चनरमा रहिये तब ले एकर प्रयोग होत रही ।
गारी - अईसे त गारी गवाला , गारी दिअईबो करेला , गारी खियावल जाला , गारी सिखावल जाला , गारी सुनावल जाला , गारी गरियावल जाला ।
गारी - केहु सवखे देला केहु दुखे देला केहु बात बात प गारी देला त केहु नापि जोखि के गारी देला कतना लोग खाति गारिये पारन ह त कतना लोग के खाना तब ले ना पचेला जब ले उ केहु के गरियाओ जनि , आ समधि लो त बिना गारी के खईबे ना करेला लो ।
गारी - बाबुजी गरियवले त आसिरबाद भईल केहु दोसर गरियावल त सराप , बाबुजी के गरियावाला प बेटा डेरा जाला आ केहु अनका के गरियावला प मडर हो जाला ।
गारी - केहु के सुधार देला त केहु के बिगाड देला , केहु सोझ हो जाला त केहु टेढ हो जाला , केहु सटहा लेखा होला त केहु बेहाया हो जाला ।
गारी के रुप- गारी कबो तीत त कबो मीठ होले , गारी कबो फुहर त कबो नीक होले । लोग गारी , लोगन के काम के परतोख ले के त कबो रिस्ता नाता के हिसाब से त कबो जाति के हिसाब से देला ।
गारी , मजबुर , असहाय , गरीब , अबर दुबर के हथियार ह त बेहाया बदमास लंठ दबंगन के श्रृंगार ह ।
गारी कबो कबो झगडा के शुरुवात ह त भोरे भोरे बाबुजी के मुह से निकले वाला प्रवचन के सौगात ह ।
गारी मोका प नीमन से सरिहार के लागे वाला दिआउ त जेकरा खाति दिआला उ सोझ हो जाला बाकी खने खन गारी दिआउ त गारी देबे वाला के मुह खराब हो जाला ।
गारी सिखावेले, गारी रिगावेले , गारी पिनिकावेले ,गारी भडकावेले , गारी कबो नीमन त कबो बाउर कहाले ।
गारी रउवा खाति एगो बरिआर हथियार ह एकरा के हिसाब से मोका प निकाले के चाही ई बहुत मारक असरदार दवाई ह जवना मे देहि के बकियवा कवनो अंग काम ना करे एह काम मे खलिहा मुह आ जीभ चलेला , गारी करेजा से निकले त सामने वाला के करेजा चीर देले ।
एहि से गारी के सम्हारि के सरिहारी के जगहि आ बेरा देखि के देबे के चाही , काहे कि जे खने खने गरियावेला उ छुतिहर , बउचट , बम्मड , लतखोर आ बद कहाला ।
-
Comment by Pankaj Praveen on September 7, 2012 at 5:58pm -
जय हो, गारी के उपर भी इतना रिसर्च हो सकेला विश्वाश नइखे होत..:)
इ लेख पढ़ी के ऐसन लागत बा जिनगी में कुछ अइसन लोग होखे अउर कुछ अइसन काम जरुर करे के चाही जे वक़्त बेवत जरुँर गरियावत रहे ...
जय भोजपुरी
-
Comment by PRADEEP PATEL on September 8, 2012 at 2:20pm -
Jay Bhojpuri A Pranam,
gari ke ta kaeego roop hola aa lagbhag har roop ke rauaa bibran kar dele bani.
jay ho
-
Comment by Ashutosh Ranjan on September 8, 2012 at 5:15pm -
नविन भाई प्रणाम,
हाँ त गारी के भी इ बखान......हमहूँ अब चुन चुन के मन परावत बानी...के जाने कवन अस्त्र के उपयोग कब करे के पड़ जाओ..हा..हा..हा..जय भोजपुरी
-
Comment by Anoop Srivastava on September 8, 2012 at 5:33pm -
नवीन भाई जी प्रणाम,
बिना मुँह तीत कइले ...मीठे-मीठे गारी पे एतना कुछ ...बहुत खूब भाई जी ..हम त ईहे जाने नी कि साला के साला साहब कह त ठीक दोसरा के कहला पे गारी ... केहू के बेटा कहल ठीक, ससुरे के नाती कहल गारी ..... जय भोजपुरी ।
-
Comment by Brij Kishor Tiwari on September 8, 2012 at 7:38pm -
-
Comment by Umesh Gautam on September 9, 2012 at 9:00pm -
नवीन भैया , प्रणाम आ जय भोजपुरी । इ गारी पुरान त गर्दा बा आ आनँद आ गइल पढी के । मन करता कि हमहुँ केहुँ के नीमन नीमन मीठ मीठ गारी दी ।
-
Comment by sanjay panday on September 11, 2012 at 12:20pm
-
are baab re .....
jai bhojpuri bhaiya aa parnam |
jaihoo gari ke |
hamara lagat ba sasurari ke gari sabse niman hola
javan sunala par aachha lagela |bakir ta khoon khaul jala ji |
jai bhojpuri |badhiya ba
Comment
© 2013 Created by Admin.
You need to be a member of JaiBhojpuri.com to add comments!
Join JaiBhojpuri.com