''चल कराची , आजु ना बाँची !''

सब के प्रणाम आ जय भोजपुरी । आजु एगो देशभक्ति गीत ले के सेवा मेँ आईल बानी जवन कारगिल युद्द के बेरी लिखले रही आ बड़ा लोकप्रिय भईल रहे । ह , मूल गीत मेँ समय के साथे कुछ परिवर्तन क देले बानी । जय हिन्द !

शायरी - सिर के सिँगार , कश्मीर कली ह बगिया के , लेई के तिरँगा के देत बानी साक्षी ।

काटी लेबी कालाई जे अँगुरी देखाई आ आके एह धरती प चीचीरी ले खाँची ।।

बाज हटे बिश्व के ई भारत , टिटिहीरी रे ! ताकी दी त तहरो निशानी ना बाँची ।

ए हो पाकिस्तान ! ताहार नामोनिशान मिटी , लहकी लाहौर कही कहरी कराची ।।

गीत - चल कराची , आजु ना बाँची , बढल बा मन आताताई के ।

पिठी मेँ मरले बा छुरा , देख अवकात कासाई के ।।

चोर बनी के जहाज चोरवलस , तनी नाही लाजाईल हा ।

लात के देवता , बात ना मानी , तुरी द मुँह अकुताई के ।

पिठी मेँ मरले बा छुरा देख अवकात कासाई के ।।

दुष्ट दुष्टता छोड़ी ना ई नान्हे पर के खुनी ह ।

आरे ! कहिया ले समझौता करब ? द लाठी बरसाई के ।

कबो मुँबई बम से दहलल ,कबो ढहत कलकता बा ।

घाती अजबे जँग लड़त बा . होई जात नापाता बा ।।

धउगी धउगी के कब ले खोजब ? वध क द हरषाई के ।

पिठी मेँ मरले बा छुरा , देख अवकात कासाई के ।।