कोल गेट की क्लोज अप ?

सब केहू के प्रणाम,

आज काल सगरो एक चीझ के बड़ा चर्चा चल रहा बा कोल गेट के. पढ़ला सुनला पर बुझाईल की कोयला खादान आवंटन के कैग रिपोर्ट पर उठल विवाद के बाद एह विवाद के नाव दियायील बा....अब कोल गेट काहे क्लोज अप काहे ना? इ त इन्हवो घोटाला के बू बुझात बा...मुफ्त में कोलगेट के परचार हो रहल बा...बुझाता क्लोज अप वालन से सेटिंग ना हो पाईल? या हो सकत बा की क्लोज अप नाव धयीला से घोटाला करे के अवसर क्लोज करे के अंदेशा के सन्देश जन जन से पहुंचे के रोके के होखे. खैर एहाकर दोसर नाव भी रखा सकत रहे जईसे कोयला घोटाला? लेकिन ना कोयला घोटाला कह देला से जईसे की इ बोफोर्स घोटाला के सीक्वल बुझात बा कंहवा उ १०० करोड़ के आ कंहवा इन्ह्वा अनुमान लगावत बा कैग १लाख छियासी हजार करोड़ के...कोल स्कैंडल कईसन रही? ना ना स्कैंडल शब्द से त जईसे बुझात बा की कवनो सेक्स स्कैंडल ह..ना इहो कुछ जमत नईखे.

खैर जब मीडिया एक बार फाईनल क देहलस की एहकर नाव कोलगेट ही रही..त बस इहे रही..फेर हम आ रउवा के जे नाम के छेछालेदार करे में लागल बानी जा. वैसे भी कवनो महानुभाव के कहनाम रहे की नाम में क्या रखा है....सान्चाहू नाव में का राखाल बा..दाम देखि..घोटाला भईल होखे भा ना एतना बड़हन बड़हन संख्या के रूपया के बारे में सोंच सोंच के ही रोम रोम पुलकित हो जात बा. गर्व होता की आपन देश कान्हा से कान्हा चन्हुप गईल..केतना प्रगती कईलस...रोज रोज एगो नया कीर्तीमान स्थापित हो रहल बा..जन्हवा महज १०० करोड़ के तथाकथिक बोफोर्स घोटाला पर एगो सरकार चल गईल उन्हावा एतना बड़हन बड़हन चीझ भी अब कवनो मायने नईखे रखत.......सोंची यदि एतना पईसा बा तबे नु एतना एतना बड बड वित्तीय नोकसान के बात होत बा..जेकरा लगे रहबे ना करी का ख़ाक बात होई? हमरा इयाद आवत बा की कईसे जेकरा इन्हा इनकम टैक्स के छपा पड़ जात रहे ओकर कद समाज में उंचा हो जात रहे..आरे बड अफसर हउवन बहुते पैसा बा इनकम टैक्स के रेड पडल बा......कईसे लड़की वाला लोग खुदे गर्व महसूस करत रहे की हम १० लाख -२० लाख दहेज़ देहनी हाँ..माने जईसे दहेज़ दिहल भा लिहल कवनो अपराध ना होखे बलुक जब बा तबे नु देहनी हाँ..
सकारात्मक सोंच राखाल जरुरी बा. त चली आयीं जा भारत के समृधी पर खुश भ लिहल जाओ...........................

जय भोजपुरी