छोड़ी आव पटना शहरिया , कहिया ले करब इंतजार !

नीक ना लगे हमके घरवा , मान राजा बतिया हमार !
छोड़ी आव पटना शहरिया , कहिया ले करब इंतजार !
जल्दी से आव पिया घरवा , तू त बाड़ हमरो श्रृगार !
सुन हमरा दिलवा के बतिया , तू बाड़ प्राण के आधार !
लिखि लिखि जब पतिया भेजवनी , तू कवनो जवाब ना देल !
कइसे करीं तोहसे बतिया , कवनो जब नंवर ना देल !
कइसे कहीं हिया के बतिया , जब चिट्ठी पतरी सब फेल !
तोहरा पर नइखे असरवा , घर के कबो नाम ना लेल !
कहि के गईल आयब परसों , रहिया देखेनी सरकार !
बरसों बीतल इंतजार में , तू ही नईया के पतवार !
छोड़ी नोकरी आव घरवा , साथ रही चलाव संसार !
वर्मा पिया देर ना लगाव , राह देखबी हम तोहार !
श्याम नारायण वर्मा