बैलन के पीछे पीछे गावे मीठे गनवा !

बैलन के पीछे पीछे गावे मीठे गनवा !
हरवा जोतेला किसनवा !
जल्दी जल्दी चल बाबू साझीं नियराईल !
दिन भर में अधवो ना खेतवा जोताईल !
सावन आईल देख बरखा ना आईल !
बीया डाले के दिन गईल पिछुवाईल !
महँगी के मार से निकले परनवा !
हरवा जोतेला किसनवा !
बिजली आवे के कवनो नईखे असरवा !
डीजल के भाव देखी बथेला कपरवा !
सब पर गुजरेला महँगाई के बयरवा !
खेती कईसे होई देखी लागेला बुखरवा !
नहरी में पानी नईखे सूखे ला किनरवा !
हरवा जोतेला किसनवा !
खेतवा डूबी जब जलमग्न होई कियरिया !
बीया बढ़ी के फूटी सब तड़पी नगरिया !
बाढ़ी आयी ले जाई सगरी फसलिया !
वर्मा आँख नम देखीहें डूबल फसलवा !
हरवा जोतेला किसनवा !

श्याम नारायण वर्मा