कइसे धनवा रोपाई हो , भरल खेतवा में पानी !

कइसे धनवा रोपाई हो , भरल खेतवा में पानी !
रुके ना कबो आन्हीं पानी , टूटे लागल पलानी !
हवा का झोंका जब आवे , डर से हियरा हिल जावे !,
कौंध के जब दामिनी दमके , धम धम से मन डर जावे !
कईसे रोटी बेलाइ हो , घरवा में घूसल पानी !
नहरी के अब चढ़ल जवानी , नाला करता मनमानी !
कहीं जायेके राह नइखे , गली में बा परेशानी !
कहिया ले छतरी आई हो , बरखा करता मनमानी !
बाढ़ के नजारा दहलावे, कहीं फसल नजर न आवे !
पानी में बहेलन मवेशी , कीट पतंग काटन धावे !
देखी आवे रोवाई हो , बाढ़ करेला मनमानी !
सब नम आँख करी देखेला , बह रहल सगरी कमाई !
भूखे प्यासे रात न बीते , बाढ़ अजब हाल बनाई !
वर्मा घर कइसे चलाईं हो , रब के असरा में बानी !
श्याम नारायण वर्मा