Come, let's do something for Bhojpuri...

मधुशाला : एगो कजरी :

रामा रामा गोरे बदन भौँह काला , नयन मधुशाला ए रामा । आरे रामा कँचन बरन केश काला , नयन मधुशाला ए रामा ।। * चमके सुरतियाँ जईसे चमके बिजुरीयाँ रामा । चलेली डहरियाँ त होखेला अजोरीयाँ रामा । । * रामा रामा चले करेजा प नेपाला , नयन मधुशाला ए रामा । आरे रामा कँचन बरन केश काला ,नयन मधुशाला ए रामा ।। * गोरकी गतरियाँ प हरिअर चुनरीयाँ रामा । मीठी मीठी बोलियाँ से गावेली कजरीयाँ रामा * रामा रामा गउवाँ मेँ उड़ी गईल हाला , नयन मधुशाला ए रामा । आरे रामा कँचन बरन केश काला , नयन मधुशाला ए रामा ।। * अईसन सुरतियाँ , जगतियाँ मेँ नाही रामा । पावन प्रीतियाँ ईनिकर कह के ना चाही रामा ।।* रामा रामा देखी देखी बदरो चिल्लाला . नयन मधुशाला ए रामा । आरे रामा कँचन बरन केश काला , नयन मधुशाला ए रामा ।।

Tags: उमेश, कजरी, गौतम

14 members like this

Comment by Umesh Gautam on July 6, 2012 at 5:58pm: अगर रउरा सावन मेँ कजरी ना गवनी त समझी की कुछ ना कईनी । त गाई आ मजा ली । जय भोजपुरी ।

Comment by नबीन भोजपुरिया ( NB ) on July 10, 2012 at 12:07am: उमेश जी प्रनाम आ जय भोजपुरी

बहुत नीमन , बहुते सुनर !

जय भोजपुरी

Comment by Shyam Narain Verma on July 10, 2012 at 9:47am: उमेश जी
प्रनाम
बहुत नीमन , और मन मोहक !

जय भोजपुरी

Comment by Umesh Gautam on July 10, 2012 at 4:38pm: नवीन भईया आ वर्मा जी । हम आभारी बानी । प्रणाम आ जय भोजपुरी ।

Comment by sanjay panday on July 12, 2012 at 11:31am: sawan me kajari ke maja hi kuch aur hola

eh rachana khatir bahut bahut dhanyavad |

jia bhojpuri |