जय भोजपुरी परिवार के सदस्यन के बारे में ताजा समाचार

जी आज के समय में जैसे की रउआ सब जानत बानी कि ई जय भोजपुरी साईट खाली एगो इन्टरनेट के पोर्टल नईखे रह गईल बल्कि एगो परिवार बन गईल बाटे। एजुगा कई लोगन के भाई मिलल बाड़े ता कई लोगन के बहिन, कई लोग त अपना परिवार के साथ भी एह साईट पे अपना के पंजीकृत कईले बाटे। आ जब लोग आपस में बात करत बाटे ता ऊ देख के लागत बाटे की ई सब भोजपुरियन के पहचान आज के नईखे बल्कि जन्म जन्मांतर के बाटे। त ई सब चीजन के बहुत करीब से देखला के बाद ई लागत बा कि जय भोजपुरी आज के समय में एगो साईट, एगो पोर्टल ना बल्कि एगो परिवार हो गईल बाटे, आ एह परिवार में हमनी के खुल के एक दुसरा से बात कई रहल बानी जा, आपन सुख दुख आपन नीमन बाउर आपन बढ़िया खराब एक दुसरा से बाँट रहल बानी जा। त ई सब देखला के बाद अइसन लागत बाटे कि हमनी के हर चीज हर सोच हर बात एगो परिवार लेखा बाटे। बस वोही के ध्यान में राख के इ सोचल गईल ह कि काहे ना एगो अइसन विषय बनावल जाऊ जहवाँ हर सदस्य लोगन के नीमन- बाउर समाचार से सब लोगन के अवगत करावल जाव, जवना से सब लोग आपन खुशी आपन दुख वोह सदस्य से बाँट लेसु आ और भी लोगन के वोह बारे में जानकारी हो जाव।

जानकारी जइसे केहू के शादी भईला के, केहू के नौकरी लगला के, केहू के कवनो इम्तिहान पास भईला के, केहू के लइका- लइकी भईला के, केहू के कवनो दुखद समाचार (जवना में कम से कम हमनी के एगो वैचारिक सहयोग दे सकेनी जा) सब लोगन के साथ बाँटल जा सको।

ता बस इहे सब सोच के ई विषय के शुरू कईल जात बाटे आ उम्मीद बाटे के सब लोग अपना एह जय भोजपुरी परिवार के कवनो भी अइसन समाचार से अवगत करावत रही, अपना परिवार में सुचना देत रही। वइसे हमनी का निहोरा करब जा अपना सभ सदस्यन से कि अगर कवनो सदस्य के बारे में जानकारी मिलो, त एहिजा जरुर पोस्ट करीं।

जय भोजपुरी ।