भोजपुरी के मशहुर गीत ( bhojpuri's Hit Songs )

Replies to This Discussion

Permalink Reply by नवीन भोजपुरिया ( NB ) on June 25, 2010 at 2:32am

मरद भोजपुरिया

गायक - मनोज तिवारी
=

अरे झुठ ना बखाने जाने ,
ना छुत छात माने जाने ,
अरे माने जाने सबके , ना जाने जी हुजुरिया
धुरिया चढावे जाने ,
पीठ ना देखावे जाने ,
डीठ ना लगावे जाने आन के बहुरिया
आन पर लडावे जाने
जान के ना जान जाने ,
चले के उतान जाने तान के लउरिया
बानि मरदानी जाने ,
चाल मस्तानी जाने ,
होला एक पानी के मरद भोजपुरिया
काट ना कटावे जाने ,
छांट ना छँटावे जाने ,
हाथ ना हिलावे चमकावे ना अंगुरिया
बात ना बनावे बात
साफ साफ बात जाने
पट से निराण ना त भर बाँह चुडिया
हठ मे हमीर वीर
वीर जाने लठ मे जे
बान्ही लट पटकन पटी ले पगरिया
डाँटि के बनल बाटे
माटी के कसल देहि
खाँटी ह जवान हुमचल भोजपुरिया
खाँटी ह जवान हुमचल भोजपुरिया
=


जय भोजपुरी

• ▶ Reply

Permalink Reply by Amrendra kumar RAI on February 3, 2012 at 7:02pm

badhiya ba

• ▶ Reply

Permalink Reply by संजीव सिंह on June 25, 2010 at 2:55am

मोर खेतवा बघरिया हो
गायक - पवन सिंह

जब बहे ला पवन पुरवाई
लेबे अमवा के पेड़ अंगडाई.......२
झूमे धईके अंखवरिया हो
मोर खेतवा बघरिया हो .......२

गउआ के लोग बाड़ा लागे पयार पयार
होखेला बात ईहवा सब खारा-खारा
आपस में प्यार सभ बांटे
गजबे बहार ईहा बाटे हो हो हो
शहर में कहा अईसन मिलिहे नजारा,.........२

हम भूले नाही पाई लडिकाई
कबो गाई कबो बकरी चराई.........२
रहे बचपन के उमरिया हो
मोर खेतवा बघरिया हो......२

गउये में कही हमार दिल बा भुलाईल
ऊंखिया रहरिया में मन अझुराईल
सोहे मकई के खेतवा मचानी
बाटे छावल दुअरा के छानी हो हो हो
माटि वाला घर देखि मन अगराईल........२

लोग रहे ईहा लाई के मडईया
बड़ा निक लागे तलवा तलिया........२
मलहवा मारे मछरिया हो
मोर खेतवा बघरिया हो .........2

• ▶ Reply

Permalink Reply by शशि कुमार सिंह (SHASHI) on June 28, 2010 at 9:02pm

sji bhojpuri sanjeev bhai

Pawan sing ke sabase neeman geet baa e

bahut bahut dhnywad yeh ke iha post kare khatir

jai bhojpuri

• ▶ Reply

Permalink Reply by Anil Kumar Pandey on January 10, 2011 at 7:47pm

ए गाना के अटैचमेट हम देत बानी, ए पर क्लिक कई के ई गाना सुनल जा सकेला।

Attachments:

• jab bahela pawan purwai.MP3, 3.4 MB

• ▶ Reply

Permalink Reply by Rajeev Mishra "राजीव भोजपुरिया" on July 7, 2011 at 4:35pm

dhanyawaad anil bhai jee !

• ▶ Reply

Permalink Reply by नवीन भोजपुरिया ( NB ) on June 25, 2010 at 3:12am

भाई के बटवारा

गायक - रविन्दर मिश्र " राजु "

तीन भाई बा लोग , बडका भाई खेत मे काम करत बाडन , मझिला भाई नोकरी करत बाडन आ छोटका भाई पढत बाडन । मझिला भाई नोकरी कई के छुट्टी मे गाँवे आईल बाडन , आ उनुकर परिवार तरह तरह के बात से कान भर देले बाडी , कि रउवा कमात बानी आ सब लोग खात बा । मझिला भाई खेत मे जा के बड भाई से कहत बाडन कि एह भईया बडा ढेर दिन तक चलल अब एह के बाट द । ई सुन के बड भाई कहत बाडन , समझावत बाडन कि खेत बाडी , गहना गुरिया , रुपिया पईसा ई कुल बाटे के चीज हवे लेकिन दु गो भाई के बीच मे जवन सम्बन्ध बा वोह के कईसे बाटल जाई ।

आदमी के सतावला से का फायेदा
दिल प पत्थर चलवला से का फायेदा
नेह अंगना गेडाईल बटाईल हिया
त भीती अईसन उठवला से का फायेदा

-

खेत बारी बट जाई
अरे अंगना दुवारवा , पाई पाई विरना
हो कईसे भाई के सनेहिया बाटल जाई विरना
कईसे भाई के सनेहिया बाटल जाई विरना
एके रहल बाप एके रहली महतारी
तीन गो फुलईले फुल एके फुलवारी
अबही गवाह बाटे पढे वाला झोरा
चन्दा मामा औरी दुध भात के कटोरा
गंवुवा के लोग आ के बखरा लगाई , फरिआई विरना
हो बोला बांटी के हमार परछाई विरना
हो बोला बांटी के हमार परछाई विरना
हमरा के चाही ना कमाई के रुपईया
बाबु कहब केकरा कहबs तु भईया
राम आ भरत के मिलाप जब होई
कसकी करेजा मन मने मन रोई
पीछे पीछे लोग सब इहे बतियाई , गरियाई विरना
हो गईले बाबु के बेटउवा अलगाई विरना
हो गईले बाबु के बेटउवा अलगाई विरना
तोहरा घरे पुडी पकवान जईहा पाकी
कोना जाके बचवा हमार कवनो झांकी
आके अपना दुख के कहानी जब बांची
हमरा के कुछु नाही दिहली हो चाची
ओने पकवान एने लईकन के रोवाई , ना सहाई विरना
हो तोहरा पुआ पकवान ना घोटाई विरना
हो तोहरा पुआ पकवान ना घोटाई विरना
हमरा तोहरा बेटी के बरात जईहा आई
तु देबs स्कुटर हमरा कुछु ना दियाई
बेटी तोहार जईहे जीप चाहे कार से
बेटी हमार पैदल चाहे डोलिया कहार से
एगो आंख हसी एगो आंसु बरसाई , ना सहाई विरना
हो तहिया कईसन लागी बेटी के विदाई विरना
हो तहिया कईसन लागी बेटी के विदाई विरना
सोच तनी हमरा के का कही जमाना
हसी हसी चुन्नु पाण्डेय मारे लगिहे ताना
चार दिन के संग बा मचावs जनि तबाही
दुनिया हो राग रविन्दर लोग हवन राही
फेरु नाही आई केहु देखे ई कमाई , हउवे काई विरना
हो कईसे माई के अंचरवा बाटल जाई विरना
हो कईसे माई के अंचरवा बाटल जाई विरना
खेत बारी बट जाई
अरे अंगना दुवारवा , पाई पाई विरना
हो कईसे भाई के सनेहिया बाटल जाई विरना

जय भोजपुरी

ई गीत हम जब सुनेनी तब आंख मे आंसु आ जाला , ई गीत हमरा प्रोफाईल मे बावे अगर सुने के मन करी त सुन लेब सभे ।

• ▶ Reply

Permalink Reply by Anil Kumar Pandey on January 10, 2011 at 6:52pm

ई गाना ही हम अटैच कर देत बानी, सुनी सबे लोग

Attachments:

• KHETH BAADI BAT JAAI {AE BALAM JI}.mp3, 13.1 MB

• ▶ Reply

Permalink Reply by Rajeev Mishra "राजीव भोजपुरिया" on July 7, 2011 at 4:36pm

eh geet ke rura profile main bahut baree sunle baani aankh loriya jala bhai jee !

• ▶ Reply

Permalink Reply by anil gupta on December 16, 2011 at 4:53pm

e gana jab jab suneni tab tab kareja mein ........

• ▶ Reply

Permalink Reply by शशि कुमार सिंह (SHASHI) on June 25, 2010 at 3:32am

jay bhojpuri navin bhaia

Bahut neeman forum suru kale bani,
yeh se bhojpuri ke behtarin geetan ke samane labe ke badhava mile

Hamhu korshish me bani yego geet post kare me jaldiy karab

jai bhojpuri

• ▶ Reply

Permalink Reply by Brij Kishor Tiwari on June 25, 2010 at 1:27pm

गायक = बुझी, इ के गा सकेला


का हो गौनहरो पयान होई कहिया
कोहबर में तोहरो बिहान होई कहिया

ढेर दिन से कहेलु की जवान भईल बाडू
चढ़ती जवानिया तूफान भईल बाडू
चाहेलु तवन, मनमान होई कहिया
का हो ................
देखतानी कहिये से देह बाडू तुरत
अचरा के कोना अंगुरिया से पुरत
जुग जुग पूरा अरमान होई कहिया
का हो ........
बाजा बाजी कब उठी डोला
कईके बिदाई सूचित होई टोला
प्यार के असल इन्तिहान होई कहिया
का हो ..
जयिबू त पता नहीं अईबू न अईबू
साचो ये गोरी तू सयान हो जयिबू
केशरी बलम के धियान होई कहिया

का हो गौनहरो पयान होई कहिया
कोहबर में तोहरो बिहान होई कहिया

• ▶ Reply

• ‹ Previous
• 1
• 2
• 3
• …
• 9
• Next ›
• Page