भोजपुरिया स्वाभिमान सम्मेलन (पंजवार) से जुडल कुछ याद

Replies to This Discussion

Permalink Reply by नवीन भोजपुरिया ( NB ) on December 20, 2011 at 10:14pm

जान परान सुखल रहे , डराईबर के गारी प गारी दिआत रहे , संजय भाई बेरि बेरि आ के पुछस की कहा ले आईल बा ... आ सुधीर जी सांच पुछी त हमरा गांव से पंजवार के दुरी करीब करीब 70 किलोमीटर बा रोड परी , आ रोड रउवा देखते बानी बाकी गाडी के डराईबर 57 मिनट मे बैकड्राप ले के आ गईल बा ! प्रधान जी कहत रहले की हम खाली एक हाथे मोबाईल आ आ दोसरा हाथे गाडी के उपरा धरे वाला हैंडिल धईले रही गईनी लकडिया के गाडी मे बईठले रही गईनी !

कहत रहले की गाना बाजत रहे ले ले अईह पिया चुनरिया लाली लाली सजना ....

बाकी कईसहु पहुंचल आ फेरु .... अब हंसी बरत बा बाकी तब जीउ जान एक भईल रहे सुखि के ;-) 

जय हो जय भोजपुरी ,, आ हम इहे कहब की जब नीमन होखे के रहेला त सब नीमन होला :-)

• ▶ Reply

Permalink Reply by Mantu Singh on December 21, 2011 at 11:03am

बिलकुल सही कहत बानी भईया और हम अईला के बाद जब ड्राईबर से पूछनी त कहत रहन कि भईया हमरा केवल पंजवार दिखत रहे स्पीड के काँटा ना...
आ पोल्थिन्वा के कैसे भुला गईल बानी भईया????? लादुइया रखे वाला???
हा हा हा हा हा
जवन जवन चीज़ आज सोच के हमनी का हसत बानी जा उ सब चीज़ ओह दिन फेफरी परा देले रहे का कईल जाई दादा...
जय हो जय हो

• ▶ Reply

Permalink Reply by Rajeev Mishra "राजीव भोजपुरिया" on December 21, 2011 at 10:55am

sahi kahni montu bhai jee ...............u chana waala ke chana garda rahe aajuo iyaad pari jala !

 

jai matti jai bhojpuri !

 

• ▶ Reply

Permalink Reply by Pankaj Praveen on December 26, 2011 at 8:10pm

प्रणाम 

भोजपुरिया स्वाभिमान -२  के एक एक एक पल अविस्मरनीय रहल ...अउर एगो भोजपुरिया अउर  जय भोजपुरी परिवार के एगो सदस्य होखला के नाते ही हमरा भी एह आयोजन के हिसा बने के मौका मिलल..इ हमरा खातिर गर्व के बात बा..कार्यक्रम के आयोजन के एक एक पल जेकरा समय हम उपस्थित रहनी , रोमांचित करे वाला रहल ...लेकिन एक बात के अफ़सोस रही की कार्यक्रम के कुछ हिस्सा में हम उपस्थित ना रहनी काहे की उहा के लोग एक ही बात करत रहे कि "जे  आइ जी साहब के विचार भा उहा के उपस्थिति में आयोजन में ना रहे उ कुछ ना देखलस "

बाकि कार्यक्रम में उपस्थित जय भोजपुरी परिवार के हर सदस्य, नवचेतना के समस्त पदाधिकारी,छात्र, छात्रा लोग  अउर पंजावर के हर ग्रामवासी जे भी एह भव्य  आयोजन के गवाह बनल ओकर एह आयोजन के हिस्सा बने के उत्साह देखे लायक रहे ...ओकरा संगे एह  कार्यक्रम के आयोजन में  संजय भाई के कठिन परिश्रम , नविन भाई अउर  सुधीर भाई के के लगन देख के एहे लागत रहे कि अब उ दिन दूर नइखे जब हमनी के भोजपुरी के  स्वाभिमान  के लड़ाई में जल्दिये जीत के नजदीक पहुच जाइब.

भोजपुरिया स्वाभिमान -२ में शामिल हर उ भोजपुरिया के लगन अउर उत्साह देख के हम एहे कहब कि "भोजपुरिया स्वाभिमान के लड़ाई के  आगाज हो चुकल बा ,बस जरुरत बा एही लगन परिश्रम अउर धेर्य  के संगे आगे  बढला  के ...सफलता अब दूर नइखे ...

"भोजपुरी के इज्जत बचावे के पड़ी ,अपना माटी के कर्जा चुकावे के पड़ी "

जय भोजपुरी ,जिया भोजपुरी 

• ▶ Reply

Permalink Reply by Brij Kishor Tiwari on December 26, 2011 at 10:18pm

जय भोजपुरी आ प्रणाम .............

पंजवार में दू गो बड़ा बढ़िया खीसा भईल ...............जे कि कुछे लोग जानत बाडन

खिसा नम्बर एक ........

सांझी खान, जब हम, एक राउंड खनवा निपटा दिहुवी , त ज्योतिया के देख के दया लाग गउवे , पूछनी ....का जयोति खाना वाना भईल ह , बेचारी संकोच में कुछ बोलबो ना करे .......केहू तरे दुनो भाई बहिन ( अजित आ जयोति) के खाए खातिर तैयार कईनी ,कहनी चलs लोग हम खियावतानी नु .............दुनो लोग के खाना खाये वाला रूमवा में कुर्सी लगवा दिहनी ,दूनो  लोग के  कुलही चिझु परोस परोस के खियावत रही , ओही जगहा पर , शशि जी पहिलही से पूरी तूरत रहनी  .........आ पूरी तुरे में एकदम मस्त ........उहे मस्ती में खा पी के, उहा का चल दिहुवी ...........आ आपन मोबाईलवा  ओहिजा भुला गौवी ..........मोबाईल पर हमार नज़र पर गईल .............कहनी कि पहिले मोबाईल हाथ में आवे द !  फेरु देखल जाई ..........कि शशि भाई के कईसे छकावे के बा .............

.................

................

धई के हम रूमवा ले बहरी जातानी आ धई के रूमवा में आवतानी ...............कि शशि भाई केने बानी ,अभिये त एहिजुगे रहनी ह ,

लेकिन काहे के..... शशि भाई के हाथ में नया नया कैमरा ,आ मंच पर भरत भईया  ...........

खाना खात......... हाथ धोवत........फुल स्वीटर के बाही से मुह पोछ्त....शशि भई स्टेज के लगे .............

उनका के कहाँ होश कि हमार मोबाईल कहाँ बा ...........???

.........

............

पहुचनी उनका लगे ...........शशि भाई होने आपन कैमरा सईहारत लागल बानी ..........एकहू शोट मिस मत हो जाव 

मन में आईल (अब छोटका भाई के ढेर परशान का करी ??)

कहनी ,....तनी आपन मोबाईल दी त ..फोन करे के बा ...हमार मोबाईल में बैटरी नईखे !!!

...........कैमरा के डोरी हाथ में लपेटत..........,हमरा ओरी तनी खिसिया के ताकत ( अरे भाई ..काहे ना खिसियास बस उहा का बटन दबावे वाला रही कैमरा के.... आ हम टोक दिहनी ) 

कुलही पैईट के पाकिट ले ,बुशत के पाकिट ले.......... हाथ से ठोक ठोक के देख लिहनी ........मोबाईल रहित तब नु मिलित ...?

अब त, शशि भाई के चेहरा पर ले फोटो खिचे वाला कुलही ख़ुशी हवा हो गईल .........

लेकिन का जानी का भईल ...........भगवान् जानस .........शशि भाई के चेहरा तुरते हरियर हो गईल .........

आ मुसुक गईनी उहा का ..........

कहतानी, रउवा मिलल ह का हमार मोबाईलवा   ..........???
हमरो के मुश्की छूट गईल .........!!!

कहनी कि ............ ली अच्छा

खिसा नंबर दू .........

जवना पुस्तकालय में हमनी का रुकल रहनी जा ,हमनी के सब समान ओहिजे रहुवे, साँझी खान सबका के जाड़ लागे लागल ,दिन में त खाली बुशट पर सबकर काम चल गईल .........लेकिन राती खान बिना स्वीटर भा जाईकिट के चले मान के ना रहुवे..........

  जेके जेके, जईसे जईसे, जाड़ लागे, ओहिजा से(पुस्तकालय से ) स्वीटर भा जाकेट जा के लियावे .............

ओही चक्कर में ........पुस्तकालय के चाभी कही हेरा गईल .........

अब केकरा से हेरायिल ..........हा हा हा हा हा ( नाव ना लिखब )हा हा हा हा हा ........

भईल कौनो बात ना ........दोसर चाभी से खोला जाई ......

पता लागल दोसर चाभी भी नईखे ओह ताला के .............जब  परोगराम ख़तम भईल ...........

तब धयिलस फिकिर कि अब सुतल कईसे जाई ..........?

भईल कि ना होखे त ताला तुराव ........?

ताला बहुत बड़ त, ना रहे .........बाकिर, कमजोरो ना रहे !

ओह पंजवार के धरती पर बीरन के त कमी ना रहे ...........लेकिन बहुत बड़ समस्या ई कि  ..........राती के अढाई तीन बजत बा ...........

सभे कोई बहरे से आईल बानी जा ............आ ओही राती ,धाये-धाये,ठाए ठाए कई के ताला तुरल जाई ......... कजुक कउनो बड समस्या मत बन जाव .......बाकिर कौनो राह भी ना रहे .........कईल का जाव ........

केहू इटा लियावता .........,केहू हथही तलवा के ममोरता ...........ताला काहे के टूटे जाव .......

एकाध जोर हमहू लगवनी ..........फेरु से भूख मति लाग जाव ..........एह डरे हम छोड़ दिहनी ........

तले, जवन टेम्पू से पुस्तकालय पहुचल रही जा ,डराईबर एगो बड़का पेचकस दिहलस ............

फेरु भईल उहे ...........

सभे राजीव जी के ओरी देखल ...........कहल गईल ............

.............का चुपी साध रहा बलवाना .............

......................

अब का............ राजीव जी ...खाली पेचकस्वा से, उ तलवा के "छू भर" दिहनी ..........

जादू लेखा ..........भक दे तलवा मुह बा दिहल ...........

फेरु मत पूछी सभे .........

केहू जुतवा खोलल .........केहू, उहो ना .........

एक बार बोलल गईल..............जय भोजपुरी ...........

आ, भर देह रजाई में ........

............

..........

जय भोजपुरी जिया भोजपुरी...

• ▶ Reply

Permalink Reply by नवीन भोजपुरिया ( NB ) on December 26, 2011 at 11:29pm

हा हा हा हा हा हा हा

चाभी भुलईला के त हम जानत रहनी बाकी तुरईला के ना आ मोबईल भुलईला आ मिलला के हम ना जानत रहनी ह हा हा हा हा हा हा हा  बहुत कहानी अभी बाकी बा !

जय भोजपुरी जिआ भोजपुरी

• ▶ Reply

• ‹ Previous
• 1
• 2
• 3
• Next ›
• Page