Come, let's do something for Bhojpuri...

अंग्रेजी आ हिन्दी ना... आईं भोजपुरी सीखल जाव...

हमरा याद आवता कि 2 साल पहिले जब बिहार के मुख्यमंत्री नीतीश कुमार मॉरीशस के दौरा पर जाये वाला रहलन त हमरा लगे एगो फोन आइल रहे - क्या आप भोजपुरिया डॉट कॉम से बोल रहे हैं? हमरा हाँ कहला पर ऊ शख्स कहलस कि नीतीश जी मॉरीशस जाये वाला बानी, आ उनुकर यात्रा के ज्यादा प्रभावशाली बनाये खातिर हमनी का चाह तानी जा कि उनुकर भाषण आ ओहिजा बिहार सरकार का ओर से सभ श्रोता लोगन के दिहल जाये वाला लिफलेट (प्रचार सामग्री) के भोजपुरी में तैयार कइल जाव। ओकरा बाद ऊ कहलन कि हम रउरा के उ सामग्री हिन्दी में भेज दे तानी, रउरा ओकर भोजपुरी रुपांतर क के दे दीं। बदला में राउर जवन भी पारिश्रमिक होई, ऊ हमनी का दे देब जा... बात भोजपुरी के रहे, आ ऊहो बिहार सरकार का ओर से मॉरीशस में देवे वाला आधिकारिक दस्तावेज के, त इनकार करे के त सवाले ना रहे। ओह कार्यक्रम में भोजपुरी अभिनेता मनोज तिवारी भी गइल रहलन, आ लवटला पर जब उनुका ई पता चलल कि ओह दस्तावेज के भोजपुरी करे में हमनी के हाथ रहे, त ऊ खासा प्रभावित भइलन।

खैर, एही बात के बारे में आज चर्चा भइल नवीन जी से, त ऊहाँ का आम आदमी खातिर इ सुविधा उपलब्ध कराये के सुझाव देहनी। आ एही मकसद से एह चर्चा के हम शुरुआत करे जा रहल बानी, एहिजा रउरा कवनो शब्द या वाक्य हिन्दी या अंग्रेजी में लिख सकेनी, आ बाकी लोग ओकर भोजपुरी अनुवाद बता दी। कोशिस इहे रही कि एही तरह से लोगन के भोजपुरी में बोले / लिखे खातिर प्रोत्साहित कइल जाव। चूंकि इंटरनेट पर लोगन का लगे ज्यादा समय ना रहेला, ओह से हमनी का अपेक्षा करब कि केहू बहुत बडहन रचना अनुवाद खातिर ना भेजी। एकरा के कुछ शब्द आ वाक्य तक सीमित रखला से ज्यादा लोगन के सीखे के मौका मिली।

हमरा पूरा भरोसा बा कि रउरा जिनगी में भी कई बेर अइसन समय आवत होई, जब कुछ शब्द के भोजपुरी रुपांतर आ कवनो वाक्य के बोले के तरीका पर रउरा सोच में पड जात होखब। ई सेवा वइसन समय में राउर बहुत सहायता क सकेले, आ एक बेर इस्तेमाल शुरु करब, तब रउरा पता लागी कि भोजपुरी कइसे रउरा भावना के आउर खुबसुरती से पेश क सकेले।

बात जब अपना भाषा आ संस्कृति के प्रचार के बा, त पहल हमनिये के करे के पडी। त आईं, भोजपुरी सीखल आ सिखावल जाव...

Tags: translation, जय, भोजपुरी, सीखल

7 members like this

▶ Reply to This

Replies to This Discussion

Permalink Reply by Brij Kishor Tiwari on February 2, 2011 at 11:58pm

बटम,बटाम ,.........सही बा, इ दुनो बटन के ही कहल जाला !

बुशट,.........शर्ट (कमीज ) के कहल जाला !

माड़ी ,.....सूती भा खादी के कपडा के टाईट राखे खातिर धोईला के बाद माड़ में डाल के निकालल ,माड़ी देल कहला आजकल त revive आ गईल बा भा आरारोट भी दियाला !

झक झक ,........झक झक, खाली सफ़ेद कपडा खातिर प्रयोग कईल जाला !

टहकार,........इ कौनो चटकार रंग (लाल ,हरियर ......) खातिर प्रयोग कईल जाला !

झोलंग,.......(ढिल - ढाल ) .....जवन कपडा ढिल होला ,आ साईज से बड़ होला ,पहिनला पर ,हेने होने लटकल रहेला ,ओह के झोलंग कहल जाला !

सकस.......चुस्त ,टाईट .......सकेत .......... जवन कपडा छोट हो जाला ,पहिनला पर चुस्त भा टाईट होखे ,ओह के सकस कहल जाला !