भोजपुरी फिल्म इंडस्ट्री के बर्बादी खातिर जिम्मेदार के...?

Replies to This Discussion

Permalink Reply by नवीन भोजपुरिया ( NB ) on September 2, 2010 at 5:52pm

सुधीर जी प्रणाम आ जय भोजपुरी

पहिले त बधाई स्वीकार करी की रउवा हिम्मत देखवनी असलियत ले आवे मे , नाही त आहे पे गरई पकडत रहनी हा जा आ कुछ मालुम आ कुछ हवा मे ...

हम भोजपुरिया पे पढले रहनी हा लेकिन तब हमारा मालुम ना रहल हा कि के लिखले बा लेकिन अब जब देखनी हा त मालुम पडल हा की हिम्मत रउवा कईले बानी ।

एगो बहुत दमदार लेख , एगो संतुलित लेख आ सच्चाई के नीमन से लोगन के देखावत ई लेख आज के भोजपुरिया सिनेमा के आ वोह इण्डस्ट्री के असलियत देखा देहलस ।

कुछ सदमा बा कुछ अचरज बा कुछ दुख बा कुछ खीस बा आ सब मिला के शर्म आवत बा की एह लोगन के वजह से ( फिल्म वाला ) हमनी के लगभग हर जगहा मुडी नीचे करे के पड जाति बा मुडी गाडि के चले के पडत बा ...

बाकि हम त एह क्षेत्र से नईखी जुडल आ ना ही हम ढेर जानत बानी लेकिन एगो चीज हमरा हमेशा खटकत रहल हा की का कारण बा लोग भोजपुरी सिनेमा खातिर उत्साहित नईखे ?
का कारण बा की भोजपुरी मे अश्लीलता परोसल जात बा ?
का कारण बा की आजो भोजपुरी सिनेमा कबो मल्टीपलैक्स मे नईखे जा पावत ?
का कारण बा की लोगो कुछुवो करत बा भोजपुरी सिनेमा मे पईसा कमाये खातिर ?

लेकिन ई लेख पढला के बाद सब चीज साफ साफ लउके लागल , हकीकत के बटोर के एक जगह कई दिहल गईल बा एह लेख मे । पर्दा के पीछे , पर्दा पे आ पर्दा के बहरी जवन जवन घृणित , छुतिहर काम ई लोग कई रहल बा उ केहु के मुडि गाडे खातिर काफी बा ।

रउवा सही कहनी की सिनेमा समाज के आईना होला , त का हमनी के समाज अईसने बा ?

राजेन्द्र बाबु जब शाहाबादी के भोजपुरी मे फिलिम बनावे के कहलन त ओकरा कपीछे जवन मकसद रहे वोह केअ ई लोग भुला गईल बा ?

का ई मान के चलल जाउ की एह लोगन के भीतर तनकियो लाज शरम नईखे , का ई मान के चल जाउ की एह लोगन के आपन भी कवनो इज्जत नईखे ?

का अईसने होला भोजपुरी आ भोजपुरिया लोग ?

बहुत सारा अईसन जरत सवाल बा जवना के एक ना एक दिन भोजपुरिया समाज पुछी आ वोह दिन कवनो जाना के लुकाये के जगहि ना मिली ।

बहुत बहुत धन्यवाद एह लेख खातिर , एह लेख से ढेर लोगन के आंखि खुल जाई जे तिलिस्म मे जियत बा ।

बधाई के पात्र बानी सभे एह सच्चाई के सामने ले आवे खातिर ।

धन्यवाद आ जय भोजपुरी

• ▶ Reply

Permalink Reply by Saurabh Pandey on September 4, 2010 at 7:54am

नवीन भोजपुरियाजी,
राऊर रिपोर्ट के एवज में प्रतिक्रिया पढ़ि के ई भरोसा भइल जे आज रउआ अस लोग बा जेकरा मन में ई प्रश्न हींड़ोल भरि रहल बा .. ’का अईसने होला भोजपुरी आ भोजपुरिया लोग ?..’

साँच बात बा भाईजी, जे भोजपुरिया लोग अतना छुतहर ना होखे जइसन देखावल जाला. बाते-बाते में ऊ कवनो राह चलत लइकी के बदन का पाछा अतना ना मता जाला, जइसन देखावल जाला.
राऊर प्रतिक्रिया पर साधुवाद.

• ▶ Reply

Permalink Reply by Vikash Rai on September 2, 2010 at 6:30pm

sudhir bhai pranam
bahut badhiya lekh ba raur aa bilkul sahi bhi ba aaj ke bhojpuri cinema ka pripekshay me.
ham ta n.c.r. me rahina jaha bhojpuri bole walan ke bahut accha najar se na dekhal jala lekin eha bhi ham aapan college me bhojpuri bhashian ke ekattha kar ke aapan bhasha bole khatir protshahit karina
lekin ehija ke log jab film aa gana( kuch ke chhodke )ke baat karelan ja ki bhojpuri film aa gana ashlil holan sa aa hindi se chorawal haolan sa ta hamke kawano jawab na samajh me awela.
raura ke ham ego ghatna batawat bani. ek bar hamra college me ego karyakrm hokhe ke rahe ta ham kahani ki egi bhojpuri gana ke bhi karyakram rahi ta hamke hamar co-ordinator mana ka dehalan .u kahalan ki ye sab bahut ashlil hote hai.
ekar wajah rahe ki uu kuchh din pahile mahuaa par kawano bhojpuri film dekhle rahalan jeme kawano bahut ashlil wordings rahe.khair ham unke original bhojpuri wala ego gana sunaini ta u man gailan.
lekin hamke ta ehe lagal ki unka jaisan jetna log je pahila bar bhojpuri dekhale hoi u ehe dharna bana lei ki bhojpuri ashlil bhasha ha.
jab hamra jaisan ego laika ke ee baat bujha ta ki bhojpuriha log parampara,sanskriti pasand log ha ta e filmakaran ke e baat kahe naikhe samajh me awat.
khali puran film(hindi) ka kahani leke aa ghatiya kism ka item gana daal ke agar film banawe ke ba ta hamar ta ehe prarthana ba ki aap sab film banawal band kadi sabhe.
aapsab(filmkar)agar bhojpuri ke naam naikhi dila sakat ta please eke badnam mat kari.ese bhojpuri areas ka bahar rahke bhojpuri ke baat karewalan ke bada sharmindagi uthawe ke parela.
ant me ehe ummeed karab ki raur lekh se ehanlog ka buddhi kuchh sudhari aa bhojpuri ka kuchh vikas hoi
jai bhojpuri..........

• ▶ Reply

Permalink Reply by MANTOSH SINGH on September 2, 2010 at 6:47pm

सुधीर जी परनाम आ जय भोजपुरी

बाकई इ रपट भोजपुरी फिल्मी दुनिया के पतन के कहानी कहत बा। सच कहल गईल बा कि बिना सोचे समझे पत्थर मरबअ त कपारे फुटी। भोजपुरी फिल्मन में भी इहे होत बा। निरमाता लोग के चाह बा कि अश्लीलता के सहारे सफलता मिले। कहानी, अभिनय, गीत-संगीत पर के नजर डालेला, लेकिन दर्शक के बहुत दिन तक मुरख नहीं बनावल जा सकेला। भोजपुरी फिल्मन के दर्शक अब ऊब चुकल बाडऩ। भोजपुरी प्रेमी लोगन के अच्छा और नया कहानी के इंतजार बा। हम गारंटी से कहत बानी कि अच्छा कहानी अउरी साफ सुथरी फिल्म आज भी पसंद कइल जाई। बशर्तें केहू एइसन फिल्म बनावे त।

धन्यवाद आ जय भोजपुरी

• ▶ Reply

Permalink Reply by Brij Kishor Tiwari on September 2, 2010 at 7:36pm

सुधीर जी जय भोजपुरी ..........
भोजपुरी सिनेमा पर रउवा इतना बिस्तृत जानकारी देहनी ,पाहिले त रउवा के एह खातिर बहुत बहुत बधाई .........
पर हम अभी इ तय नईखी क पावत की केहर से चालू करी ...........
सबसे पहिले त हमरा देखे में भोजपुरी सिनेमा के देखे और गाना के सुने वाला "ज्यादातर लोगन" के मनोरंजन के लेवल तनी स्तरहीन बा ,ध्यान देब "ज्यादातर लोगन" के ........,सब के ना ,एह में उ लोग जादा बा जैसे मजदूर श्रेणी ,ट्रक के ड्राईवर आ तनी सरहंग किसिम के टिनिहिया लोग.................इ लोग के मनोरंजन के स्तर कुछ एही तरह के बा ,जवना में कि दुअर्थी बोल होखे ,कुछ अश्लीलता होखे ..........,
त जब तक इ जवन "जादातर लोग' बा ,जले इ लोग में जागरूकता ना आई कि हमें का देखे आ सुने चाही ,तले त तनि मुश्किल बा ........
लेकिन उ दिन दूर नईखे जब इ लोग में भी बदलाव आई ............,आ साफ़ सुथरा भोजपुरी के सुने आ देखे वाला के संख्या सत प्रतिशत होई ,
ओह दिन से भोजपुरी फिल्म इन्द्रस्त्री आ music इंडस्ट्री के दिन फिर जाई ........................

चुकी रउवा हर विषय पर इतना बिस्तृत तरीका से बात राख देले बानी कि ...........एह विषय पर कमेन्ट लिखल सुरुज के दिया देखावल होई एह से ,हमार कमेन्ट तनी विषय से हट के हो सकेला ..........एही के स्वीकार करी .
जय भोजपुरी .............

• ▶ Reply

Permalink Reply by नवीन भोजपुरिया ( NB ) on September 2, 2010 at 10:15pm

सब के ना ,एह में उ लोग जादा बा जैसे मजदूर श्रेणी ,ट्रक के ड्राईवर आ तनी सरहंग किसिम के टिनिहिया लोग.................इ लोग के मनोरंजन के स्तर कुछ एही तरह के बा ,जवना में कि दुअर्थी बोल होखे ,कुछ अश्लीलता होखे ..........,

बृज भाई इयाद बा रामायण , भा नदिया के पार , अरे हम दुर का जाई , हम है आपके कौन ? वईसे त रउवा हमरा से पुरान बानी त ओकरा पहिले के भी फिल्मन के मालुम होई लेकिन हम एह तीन गो चीजन के नाव काहे लेत बानी उ बतावल चाहत बानी

रामायण - भक्ति पे आधारित बा आ हम देखले बानी की कर्फ्यु लागि जात रहे जब रामायण आवत रहे , का भक्ति पे फिल्म ना बनि सकेली स .. ?

नदिया के पार - मत पुछी बलिया मे आजो लागेला त गाँव के गाँव टुट पडेला , काहे ? सोचे वाली बात बिया

हम आपके है कौन - ई त हम देखले बानी की लोग झारि के गईल रहे देखे खातिर 16 -16 आदमी झुंड बना के एक संगे कमांडर जीप मे बईठ के आवस देखे खातिर ( हम बलिया रहनी ओह घरी ) जबकि ई हिन्दी रहे ..

कामन का बा तीनो मे ? कांसेप्ट आ अगर कांसेप्ट सही बा त फेरु वोह फिल्म के चले से केहु ना रोक सकेला ।

का कवनो अईसन भाषा बा जवना मे अश्लीलता ना होखे ? कवनो अईसन भाषा ? कवनो ना लेकिन हँ भोजपुरी के दुर्भाग्य बा की आज के समय मे खाली आ खाली अश्लील गीतन से भरल फिल्म आवत बाडी स । आ एह वजह से ई फ्लाप हो रहल बाडी स ।

आज भी हमनी के क्षेत्र मे मजदुर वर्ग ज्यादा बा लेकिन तबो उ लोग भी एह फिल्मन के ओर ध्यान नईखे देत त काहे ? काहे कि फिल्म के के काम हवे मनोरंजन दिहल टेंशन ना आ टेंशन देबे लागी त फेरु केहु ना देखे आई ...

बाकि कुछ हद तक हम राउर बात से सहमत बानी की बदलाव आई काहे कि ढेर दिन ले ई कुल ना चलि पाई ।

• ▶ Reply

Permalink Reply by Prashant Kumar Dwivedi on September 3, 2010 at 9:24am

सुधीर जी प्रणाम

एक दम सही बात कहनी, हमारा बिचार से नक़ल त कराही के न चाही. जवन अपन बा ओकरा के दिखाई. जब हम भोजपुरी फिल्म देखे जयेम त हमारा दिमाग भोजपुरी बसल रही नु. आज कल भोजपुरी फिल्म अईसन बनत बा की अशलीलता में हिंदी फिल्म के पीछे छोड़ देले बा. भोजपुरी फिल्म त अईसन बनत बा की आपना परिवार के साथै बैठ के देखे के मन ना करेला. फिल्म का हमेसा समाज के प्रतिबिम्ब होखे के चाही.

प्रशांत कुमार द्विवेदी

• ▶ Reply

Permalink Reply by Peeyush Chaturvedi on September 3, 2010 at 12:28pm

सबसे पहीले त आप सब लोगन के प्रणाम बा, कुछ काम मे एटना व्यस्तता रहे की हम चाह के भी ऑनलाइन ना हो पावत रहनी. सुधीर जी, आपके एह निचोड़ खातिर जेटना प्रसंसा काइल जाउ उ कम बा. हम आपसे और नवीन भाई , दूनो जन से सहमत बानी. हमनी के पासे आपन संस्कृति के थाती बा, इतिहास के धरोहर बा, अद्भुत कलाकारण के जनम देवे वाली माटी बिया, लेकिन सब होखला के वावजूद भी देखल जाउ त हमणी के हाथ खाली बा| हमणि के फ़िल्मन मे एट्ना असलीलता बा की हमणि के सभ्य समाज पूरा परिवार के साथे ए फिल्म ना देख सकेनी जा चाहे उ रवि किशन के होखे या मनोज तिवारी के| अगर आज से 15 साल पहीले के भोजपुरी फ़िल्मन के देखी ता वोमे के फ़िल्मन के गाना आजुओ घर मे बजा सकेनी जा लेकिन आज काल्हू के गाना ना | ए फिल्म इंडस्ट्री जब तक अश्लीलता और द्वियार्थी शब्द फ़िल्मन मे परोसत रही सभ्या समाज ए फ़िल्मन से दूर ही रही और ऐसहि दुर्दासा होखत रही|

• ▶ Reply

Permalink Reply by vinay vinmra on September 3, 2010 at 12:55pm

सुधीर जी प्रणाम आ जय भोजपुरी,
भोजपुरी फ़िल्मन के बारे मे बतकही के मुद्दा राउर बहुते जायज आ जरूरी रहल जवन कि रौआ शुरु कईली.बहुत दिन से बहरा रहला कि कारन हम कुछ लिख ना पावत रहनी ह बाकिर मन बहुते बेचैन रहत रहल ह.
भोजपुरी फ़िल्मन के बात कईल जाऊ आ नवका दौर के बात कईल जाऊ त फ़िल्म देखते पहिला बात साफ़ नज़र आवेला की आजकल जवन भी फ़िल्म बन तारी सन ओमे होमवर्क तनिको नईखे.कहानी के कमजोरी त गीनाही के नईखे काहे की आजकल फ़िल्म लोग-बाग खातिर ना बल्कि बेचे खातिर बनता जवन की भोजपुरी मे ऊहो नईखे हो पावत .देखल जाऊ त आजकल फ़िल्म बनावे वाला लोगन मे पहिला नंबर ऊ बा जेके आपन पसन्द चाही,आपन हितई-नतई सधा जाऊ,घरऊ फ़िल्म बन जाता,दूसरा नंबर ऊ बा जेके समाज मे जनता मे आपन परचार करे के बा,फ़िल्म बनवलस ऊ सामाजिक अ राजनीतिक हो जाता,आ तिसरा नंबर के ओ तरे के लोग बा जे कवनो तरे भोजपुरी के नाम पर कुछ्हु परोस के कमावल चाहता,ऊ ग्लैमर फ़िल्म हो जाता.जे पईसा लगावता ऊ नोटे छापल चाहता,आ जे कलाकार बा ओकरी मन मे हिट के भूत समाइल बा,ऊ जल्दी से हिट होखल चाहता. एह तरे ई कुल कारण मिल के भोजपुरी के ,भोजपुरी फ़िल्मन के अपनंगता की ओर ले जाता.लिखे खातिर बहुत बा बकिर कम्मे के ढेर जानल जाऊ. एतना सुन्दर आ शसक्त लेख खातिर एक बेर अऊरो बहुत धन्यबाद.
नमस्कार.
प्रणाम आ जय भोजपुरी

• ▶ Reply

Permalink Reply by SANJAY on September 3, 2010 at 1:41pm

Sudhir g Pranam,

Raua jetna poit bataini ha sab sahi ba lekin sabse badka sawwal ee baa k ee saara point ke taraf bhojpuri film makers ke dhyan kaise aakarsit kail jaao.Abhi jo bhojpuri film ban rahal baa ooo khali naam k bhojpuri ha.Bhojpuri film ke abhi jaroorat baa Prakash jha/Madhur bhandarkar/ashutosh gwarikar/mehul kumar jaisan soch waale director ke, abhi ke bhojpuri film me naa to songs ke original dhuna rahela nahi oo geet me bhojpuri maati ke mahak. par ee sab baat samjhal bhojpuri film makers ke bahot jaroori ba na ta bhojpuri film industry ek baar phir dum tori...............

• ▶ Reply

Permalink Reply by Bimlesh Tiwari Kaushal on September 3, 2010 at 1:53pm

सभके प्रणाम.....
जब तक भोजपुरी से प्यार करे वाला लोग इंडस्ट्री से ना जुड़ी... इहे हाल होत रही.... सुधीर भाई के आलेख में जवन चिन्ता जाहिर कईल गईल बा, उ काबिले गौर बा.

• ▶ Reply

Permalink Reply by Rajesh Yadav on September 3, 2010 at 2:17pm

Sudhir ji pranam aa jay bhojpuri,

Bahut bahut dhanyawad aur badhai aapke eh lekh ke likhala khatir, ekdam sachaai se abhibhut ba raur ii lekhani.
Bhojpuri.com ke madhyam se eh bat jab yuva aur sichhit varg ke bich me pahunchi ta nahin jyada ta thodahun agar log eh bat per gour kari ta sudhar ke asha kail ja sakela aur jarror hoi kahen ki suruaat ho rahal ba.

Pura vishwas ba aawe wala din me haman ke sharmindaggi na uthaweke padi balki garrave mahasoos hoi jab bhojpuria samaaj ego saf suthara sanskritti ke sathe apan pahachan duniya me banawale me safal hoi.

Rauwan ke koti koti dhanyawad ba eh survey aur sachhai ke haman se awagat karawala khatir.


Jay Hind aur Jay Bhojpuri.

• ▶ Reply

• ‹ Previous
• 1
• 2
• 3
• Next ›
• Page