Come, let's do something for Bhojpuri...
का होई राष्ट्रकुल खेल के? का आयोजन सफल रही या ना?
बहुत गर्व के साथ हमनी के कहत रहीं जा कि हमनी के देश में का कमी बा कि यहाँ आज तक ना त ओलंपिक भा कौनो अंतर राष्ट्रीय स्तर के बड़ा खेल हमनी के देश में ना हो सकेला? अगर क्रिकेट के हटा दीं त अभी तक कोई भी बड़ा प्रतियोगिता के आयोजन नइखे भईल हमनी के देश में! आ क्रिकेट के भी लेत बानी त वोक्रो जिमेवारी भी पूरी तरह से भारत के नइखे मिलल अभी पीछे मिलल भी रहे त दू-तीन देश के मिला के, त का सही में हमनी के देश एकर काबिल नइखे? या राजनेता लोग आपन कमाई खातिर एकरा के बेचत बारन? का एक्नी सब के देश हित से ज्यादा पार्टी फंड भा पार्टी बा? का होई राष्ट्रकुल खेल के? दिल्ली भा पूरा देश के खरबों रुपया एक्नी के ऊपर निछावर भईल देश के पर का देश के इज्ज़त बची?
नेता लोगन के राय त रवा सभे रोज ही देखत बानी जा, तनी सा जनता जनार्दन लोग आपन राय दिही जा
jAI BHOJPURI
Tags: आयोजन, खेल, दिल्ली, भारत, राष्ट्रकुल
Replies to This Discussion
-
Permalink Reply by नवीन भोजपुरिया ( NB ) on -
मोंटु भाई प्रणाम आ जय भोजपुरी
रउवा प्रश्न से पहिले ई प्रश्न हमरा मन मे आईल हा की " का एह खेल के जरुरत बा भारत खातिर ? "
बहुत सारा तर्क बा एह विषय पे
जरुरत बा
पर्यटन के बढावा मिली
भारत एह आयोजन के बाद विश्व के मानचित्र मे एह तरह के चीजन मे भागीदार रही
सफल आयोजन भारत के अन्य देशन के नजर मे मान सम्मान बढाई
कई देश के लोग अईहन एह से बहुत सारा चीजन के आदान प्रदान जईसे संस्कार , भाषा , समान आदि के होई ..
जरुरत नईखे
जईसे की सब लोग जानत बा भारत मे गरीबी बा एह से लोगन के कहनाम बा की पहिले वोह कुल के वोर देखे के चाही बाद मे एह कुल मे जाये के चाही
कामनवेल्थ गेम एक तरह से वोह देशन खातिर बा जवन इंग़लैण्ड के गुलाम रहलन स , त कही ना कही इहो याद दिलाई की हमनी के आज से कुछ साल पहिले गुलाम भी रहनी जा भा गुलामी मानसिकता के द्योतक बा
खैर अब जब ई तय हो गईल बा त अब ई देखे के बा की सफल हो रहल बा कि ना , जईसे कि ओलम्पिक मे चीन मे कुछ अनमियतता भईल रहे एह के देख के भारत के उपर प्रेशर ज्यादा बा लेकिन इतिहास बा की भारत अभी तकले कई गो अईसन ( एकरा बराबर ना लेकिन एशियाई खेल ) आयोजन कई चुकल बा एह से हमरा तरफ से कवनो विशेष शंका त नईखे लेकिन तबो.. नीमन बाउर त संगिये रहेला ..
धन्यवाद एगो अलग आ सही मुद्दा उठावे खातिर
जय भोजपुरी
-
Permalink Reply by Mantu Singh on -
काश देश के भा खेल के कर्ता-धर्ता भी एकरा के जरुरी सोचतन जा...
पर बस्तु स्थिति बिलकुल बिपरीत बा भैया अभी तक
आगे देखि का होत बा नज़र लागल बा आ देश के प्रतिस्था भी दाव पे बा
jAI BHOJPURI
-
Permalink Reply by Ashutosh Ranjan on -
मोंटू जी प्रणाम,
राउर चिंता जायज़ बा आ एह तरह के काफ़ी समाचार भी आ रहल बाडान स जेह्से चिंता औरि बढ़ जाता.
लेकिन हमार दिल कहता की ई आयोजान बिल्कुल सफल होई आ दुनिया में भारत के नाम रोशन होई, अब ई मत पूछम की कवाना आधार पर क़हतानी, लेकिन ई हमरा बुझाता की लास्ट बॉल पे बौंड्री लागी आ मॅच अपना पक्छ में हो जाई.
जय भोजपुरी
-
Permalink Reply by Mantu Singh on
-
दिल कहता की ई आयोजान बिल्कुल सफल हो, भैया २०१२ में ओलंपिक होखे वाला बा इंग्लैंड में आ उहाँ के स्टेडियम तैयार बा अभी से आ दू महिना बाद जवन बाद होखे वाला गेम बा वोकरा में अभी रेत आ ईंट बिखरल बा, स्विमिंग पूल में पैर ही कट जात बा... काश कि दिल जवन कहत बा उ हो जाव... काश ...
jAI BHOJPURI
-
Permalink Reply by Sudhir Kumar on -
मोंटू भाई, एकरा पक्ष आ विपक्ष में नवीन जी के राय से हम सहमत बानी. लेकिन अब जब कि आयोजन होखे जा रहल बा, त एकर सफल भइल ही बढिया मानल जाई एह देश खातिर भी, अउर अंतर्राष्ट्रीय समुदाय खातिर भी...
-
Permalink Reply by FAIYAZ AHMAD [RINKU] on -
मोंटू भाई जय भोजपुरी,
भाई हम ता एहे दुवा करत बनी की इ खेल सफल हो जव न ता हमनी के देश के बहुत बदनामी होई,
लेकिन हमरा बुझात नईखे की इ बतिया हमनी के सर्कार के कहे नईखे बुझात|
सारा काम आभी अधुरा पडल बा अगर ओह हिसाब से देखल जव ता सफल भईल नामुमकिन बुझात बा |
-
Permalink Reply by नवीन भोजपुरिया ( NB ) on
-
नामुमकिन के मुमकिन भारत बनावे ला ...
देखत चली सभे ;-)
-
Permalink Reply by Mantu Singh on
-
नामुमकिन त नइखे लागत रिंकू भाई, रबर पेंट करके गेम त करा दिहन सा पर १० साल में जेतना पैसा के बर्बादी आ लूट भईल बा वोकर का? आ सबके रेट भी बदावे के परल बा सरकार के माने कि टेंडर समय कुछ और आ अब कुछ और... त जवन नुकसान होत बा उ सब दिल्ली वासी के अनाप सनाप टैक्स के रूप में भरे के बा, काहे के बाद में इहां के लोग ही मज़ा लिही नु सारा इन्फ्रा structure के...
jAI BHOJPURI
-
Permalink Reply by Ashutosh Ranjan on
-
इहे असली बात बा, आयोजन होई जरूर , आ सफलता पूर्वक समाप्त भी होई, लेकिन कबो कबो टी हमरा बुझाता की इ नेतवन आ ठेकेदारण के मिलीभगत से देर नईखे नु होत, की जेतने देर होई, ओतने पानी पईसा नियर बहावे के मिली, आ हड़बड़ी में गुदावात्ता पर केहू के ध्यान न रही, आ पईसा बनावे के मिली.
हमरा टी इहे ना बुझाईल की इ सरकारी प्लान के बनावेला, आ कौनो प्लान अपना समय पर काहे ना पूरा होखे?
-
Permalink Reply by Anoop Srivastava on -
मोन्टू भाई जी प्रणाम !
आयोजन सफल हो ... ई हर एक भारतवासी के कामना होखे के चाही ...बस भगवान करे कि, एकरे साइड इफेक्ट से आम जनता बचल रहे ... ढाँक तोप के इज्जत बचावल जाला बाकी इहँवा त इज्ज्त बढ़ावे के सवाल बा ...रहल बात लाभ हानि के त जे भुगती ऊ भुगती, कुछ लोग आ वर्ग के त चानी होइए जाई ।
-
Permalink Reply by NOORAIN ANSARI on -
मोंटू भाई..जय भोजपुरी.
हमनी के भगवान से इ दुआ भी की इ आयोजन कामयाब होखे..काहे की एकरा साथ अपना देश के प्रतिष्ठा जुडल बा..
आयोजन के सफल बनावे खातिर सरकार के अपना काम में बहूत ज्यादा तीब्रता लावे के पड़ी..
एतना बढ़िया मुदा उठावे खातिर रउवा के बहूत बहूत धन्यवाद..
-
Permalink Reply by sanjay panday on
-
muntu bhai parnam a jai bhijpuri |
bahi ji sahi kahala bahut intjar ke bad aisan din ail ba
lekin neta log ke badboli se lagat ba bhatar ke nam kharab ho jai |
kal news me dekhani du neta log ke bad boli , hamara tohara bharat ke chinta ba |
lekin okani ke na ba |
bagvan se ihe dua ba ki bharat ke nam na kharab hokho |
jai bhojpuri
sanjay pandey
© 2012 Created by Admin.
